რა არის ბიტკოინი?

 ბიტკოინის ტრანზაქციების მახასიათებლები:

​

1. შეუქცევადი: დადასტურების შემდეგ, სავაჭრო ოპერაციის შებრუნება არავის შეუძლია. და არავინ ნიშნავს არავის! ვერც შენ, ვერც შენი ბანკი, ვერც ამერიკის პრეზიდენტი, ვერც სატოში და ვერც შენი მაინერი ოპერაციას ვერ შეაბრუნებს. თუ ფულს გააგზავნი, შენ მას აგზავნი. არავის შეუძლია დაგეხმაროს, თუ ქოინებს მატყუარას გადაურიცხავ, ან თუ ჰაკერი მოიპარავს მას შენი კომპიუტერიდან.

2. ფსევდონიმური: არც ერთი ოპერაცია, ან ანგარიში ნამდვილი სამყაროს იდენტობებს არ უკავშირდება. შენ იღებ/გზავნი ბიტკოინებს, ე.წ. მისამართზე, რომელიც შემთხვევითად ამორჩეული 30 სიმბოლოსაგან შედგება. აქედან გამომდინარე, თუ ტრანზაქციების მოცულობის და სიხშირის ანალიზი ძირითადად შესაძლებელია, ეს არ ნიშნავს, რომ აუცილებლად არსებობს მათი რეალურ სამყაროს იდენტობებთან დაკავშირების საჭიროება ან შესაძლებლობა.

3. სწრაფი და გლობალური: ტრანზაქცია ქსელში თითქმის იმწამსვე ვრცელდება და რამდენიმე წუთში დასტურდება. ვინაიდან პროცესი გლობალურ ქსელში მიმდინარეობს, შენი ფიზიკური ადგილმდებარეობა არაფერს წყვეტს. მნიშვნელობა არ აქვს მე ბიტკოინს მეზობელს გავუგზავნი, თუ ვიღაცას დედამიწის მეორე ბოლოში.

4. უსაფრთხო: ბიტკოინის ფულადი სახსრები ჩაკეტილია საზოგადო გასაღებით - „ cryptography system“. მხოლოდ პირადი გასაღების მქონე პირს შეუძლია კრიპტოვალუტის გადაგზავნა. ძლიერი კრიპტოგრაფი და დიდი რიცხვების მაგიური შესაძლებლობები პროგრამის გატეხვას შეუძლებელს ხდის. ბიტკოინის მისამართი უფრო დაცულია, ვიდრე „Fort Knox“.

5. ნებართვის გარეშე: შენ არ გჭირდება ვინმეს ნებართვა, რათა კრიპტოვალუტა გამოიყენო. ეს უბრალო პროგრამაა, რომლის გადმოწერაც ყველას შეუძლია უფასოდ. დაინსტალირების შემდეგ, შენ შეგიძლია, მიიღო და გააგზავნო ბიტკოინები, ან  ნებისმიერი სხვა კრიპტოვალუტა. არავის შეუძლია შენი შეჩერება. აქ მეკარე არ არსებობს.

​

როგორ მუშაობს ბიტკოინი?

​

ტექნიკურ დეტალებში ჩაძიების გარეშე რომ ავხსნათ, ბიტკოინი მუშაობს გადანაწილებულ საზოგადეობრივ დავთარზე, რომელსაც ბლოკჩეინი ეწოდება. ბლოკჩეინში ყველა დადასტურებული სავაჭრო ოპერაცია ე.წ. „ბლოკის“ სახითაა წარმოდგენილი. როგორც კი თითოეული ბლოკი სისტემას დაემატება, ის გადაეცემა ქსელში ჩართულ ყველა კომპიუტერს დამტკიცებისთვის. ამ გზით, ყველა მომხმარებელი ინფორმირებულია თითოეული გადარიცხვის შესახებ, რაც ქურდობისა და ორმაგი დახარჯვისაგან (როდესაც ვიღაც ორჯერ ხარჯავს ერთი და იგივე  ვალუტას) თავის დაცვაში გვეხმარება. პროცესი ასევე ხელს უწყობს ბლოკჩეინს ნდობის მოპოვებაში.