იაპონური ბანკი ბლოკჩეინ სერვისის დანერგვას გეგმავს

Mitsubishi UFJ Financial Group, რომელიც ასევე ცნობილია, როგორც MUFG, გეგმავს ამერიკულ კომპანია Akamai Technologies-თან ერთად ბლოკჩეინ ტექნოლოგიით გადახდის სისტემის განვითარებას. ამის მიზანია შემცირებული ტრანზაქციული ხარჯები და უსაფრთხოების მაღალი დონის შენარჩუნება.

მთელი მსოფლიოს მასშტაბით ბანკები და ფინანსური ინსტიტუციები იწყებენ ბლოკჩეინ ტექნოლოგიების დანერგვას სხვადასხვა სერვისებისთვის. სწორედ მათ ნაწილს უერთდება MUFG, რომელიც ბოლო 18 თვის მანძილზე აქტიურად მუშაობს Akamai-სთან ერთად, რათა შეიქმნას ბლოკჩეინის პლატფორმა, რომელიც შეძლებს წამში 1 მილიონი ტრანზაქციის გამკლავებას.

კომპანია ამაზე გაჩერებას არ აპირებს და სამომავლოდ ტრანზაქციების რაოდენობის 10-ჯერ გაზრდას წამში 10 მილიონამდე გეგმავს. შედარებისთვის, ბიტკოინი, ყველაზე პოპულარული ვალუტა, ბაზარზე წამში მხოლოდ 3 – 7 ტრანზაქციას უმკლავდება.

Akamai-ს წარმომადგენელი, ენდი ჩემპეინი აცხადებს, რომ ბლოკჩეინი ორიენტირებული იქნება მიკრო-ტრანზაქციებზე. წლის დასაწყისში გავრცელდა ხმა, რომ ფინანსური ინსტიტუცია საკუთარი კრიპტოვალუტის გამოშვებას და მის იაპონურ იენზე მიბმას აპირებდა. ამასთან, ბანკი მნიშვნელოვანი ინვესტორია Coinbase-ში, რომელიც აშშ-ს ერთ-ერთი წამყვანი ვირტუალური ბირჟაა.

რადოსლავ ალბერხტი, რომელიც გერმანული Bitbond-ის დამაარსებელია აცხადებს:

„ტრადიციული ფულადი გზავნილები საკმაო ხარჯებთანაა დაკავშირებული ტრანზაქციული დანახარჯების გამო. ამასთან, შეიძლება რამდენიმე დღე დასჭირდეს მის შესრულებას. Bitbond-ის გადახდის საშუალების წყალობით, მომხამრებლები შეძლებენ სწრაფი და რაც მთავარია იაფი ფულადი გზავნილების განხორციელებას იმის მიუხედავად, თუ სად იმყოფებიან ისინი“.

წყარო: https://usethebitcoin.com

#სიახლეები #იაპონია #ბლოკჩეინი #MitsubishiUFJFinancialGroup