MMA-ს Primal FC-ის უნდა, მებრძოლებს ბიტკოინებში გადაუხადოს
შერეული საბრძოლო ხელოვნების ახალ ჩემპიონატს, „Primal FC“-ს, სურს „UFC”-სა და “Bellator”-სგან გამოყოფა და ბიტკოინების გამოყენება. ტაილანდის დედაქალაქში დაფუძნებულ ჩემპიონატს უკვე ჰქონდა გახსნითი საღამო 2017 წელს, რომელიც „Dark Moon Rising”-ის სახელითაა ცნობილი და ახლა ეძებს სპონსორებს შემდეგი საღამოსთვის, რომელიც წელს ჩატარდება.
“Primal FC”-ის აღმასრულებელმა დირექტორმა, ჯო იოზიმ, თავის ინტერვიუში განაცხადა, რომ სურს კრიპტოვალუტასთან შეხების მქონე სპონსორების მოძიება. მას აგრეთვე სურს, რომ შემდგომში ყველა ღონისძიება დაფინანსებული იყოს კრიპტოაქტივებით.
„ჩვენ დიდად აღელვებულები ვართ იმით, რომ ასეთ ნაბიჯს ვდგამთ. ჩვენ გსურს, ვიყოთ პირველები ამ ინდუსტრიაში, ვინც კრიპტოვალუტას იყენებს,“- განაცხადა იოზიმ და დაამატა, რომ რამდენიმე მოსალოდნელ სპონსორთან უკვე აქვს მჭიდრო კონტაქტი.
იოზიმ განმარტა, რომ MMA არის შესანიშნავი გარემო კრიპტოვალუტის პრომოუტერებისთვის. ამასთან, ამ ინდუსტრიის მოყვარულები ხშირად არიან კრიპტოვალუტით დაინტერესებულნი.
ინტერვიუს ბოლოს, იოზიმ თქვა, რომ მას სურს, კრიპტოვალუტით დაფინანსებასთან ერთად, მოჩხუბრებს ჰონორარის მიღების იმავე მეთოდი შესთავაზოს.
„ათლეტები მიიღებენ ჰონორარს სპეციალური კრიპტობარათებით, მაგალითად „TenX”-ით, ან პირდაპირ „Cold Wallet”-ზე ან “e-Wallet ”-ზე დაერიცხებათ. მთავარი ისაა, რომ ანგარიშსწორება კრიპტოვალუტით განხორციელდება.“
ეს ცვლილება, რა თქმა უნდა, გამოკვეთს „Primal FC”-ის თავისი კონკურენტებისგან, ამასთანავე, იოზიმ განაცხადა, რომ ეს ნაბიჯი დასაწყისიდანვე ჰქონდა გათვლილი:
„ჩვენი ღონისძიებები ეგზოტიკურ ადგილებში ტარდება: სანაპიროზე, ჯუნგლებში, ჩანჩქერთან ახლოს. სხვები კი დიდ სტადიონებზე მართავენ თავის შოუს, ჩვენ რაიმე განსხვავებულის გაკეთება გვსურს.“
“Primal FC” ჯერ-ჯერობით ერთადერთი ჩემპიონატია MMA-ის ინდუსტრიაში, რომელიც კრიპტოვალუტების გამოყენებას გეგმავს, მაგრამ რაც შეეხება თვითონ მოჩხუბრებს, რამდენიმემ უკვე გააფორმა ხელშეკრულება კრიპტოაქტივების მფლობელ კომპანიასთან.
გასულ თვეს, CCN-თან საუბრის დროს, „Bellator”-ის საშუალო წონითი კატეგორიის ჩემპიონმა, რორი მაკდონალდმა, თქვა, რომ დიდი ხანია რაც კრიპტოვალუტებითაა დაინტერესებული. კიდევ ერთი მოასპარეზე, რომელსაც სპონსორობა კრიპტოვალუტების კომპანიამ (CoinLion) გაუწია, მაიკლ შანდლერია.
წყარო: ccn.com